Sunday, April 4, 2010

College Memories in a Nutshell

Wo anjaane chehre
Jo dil mein ghar basaa gaye
Wo chand lamhein haseen
hansaa gaye kabhi rulaa gaye

Wo ghanton tak doston se
Fizul baaton par batiyana
Mauj lena,Chidhaana,taang khinchna
roothein to manaana
Saath dekhna movie
Saath hi khana khane jaana
kabhi kabhi jaana class
Trip ka failed plan banaana

Har din mess ke khana khate
cook ko ghanton gariyaana
Class karne ka man nahin
to Bunk ka plan banaana
Wo chuttiyon ki jaldi
Kyunki ghar ko hota jaana
zyaada ruka ghar mein to
College ka yaad aana

Wo presentation/CT ka dar
Har baar naye plan banana
Wo book kholna padhne course
par book par hi so jaana
Kabhi raat bhar padhna
Batti gul hone par chillana
Saara Din Saari raat
Laptop par hi bitaana

Wo college ka pehla crush
Girls se baat karne mein sharmaana
Nesci ke couples ko dekh
Apni kismat par pachtaana
kabhi chichore,kabhi yun seedhe
Har rang dikhlaanaa
Kabhi Treat kabhi Gpl
Kabhi bhoolna nahaana

Kaise bhoolein ye pal
Yaadein rahengi saath
Aaye the akele yahaan
par jaayenge sabke saath